Morgan Wallen-a country collection ‘Dangerous: The Double Album’ chu Billboard-in Top Billboard 200 Albums of the 21st Century chart-ah an thlang. Billboard kum zabi 21-na kum hmasa lam, kum 25 chhunga Billboard 20 albums chart chu tehfunga hmangin, 2000 leh 2024 inkara album tlangzarh atangin a tha zual 200 an thlang chhuak a, chutah chuan ‘Dangerous’ hi a No.1 ta a ni.
Morgan Wallen ‘Dangerous: The Double Album’ hi Morgan Wallen album pahnihna niin, January ni 23, 2021 khan Billboard 200 chart No.1-ah a debut a, March ni 27, 2021 thleng a No.1 zui a, 1987 hnua chart-a a lan tan atanga a zawna kar 10 chhung No.1 ni thei album hmasa ber a ni. September 2022 khan he album hi Billboard 200 chart-ah kar 86 chhungin Top 10-ah a lang tling chiah a, solo artist zinga he chart top 10-a album pakhat lanpui rei thei ber record a siam a, chumi hnuah pawh top 10-ah a la lang zui ta zel a, kar 158 chhung chart top 10-ah a lang tawh! Solo artist zingah hetiang tithei midang an la awm lo a, solo chauh ni loah pawh hetiang tithei chu My Fair Lady original cast recording chiah a la ni a, 1956-60 inkarah kar 173 top 10-ah a lang.
Morgan Wallen album dang, a album pathumna ‘One Thing at a Time’ pawh top 10-ah lang phain, No.6 a ni a, a album puitling hmasa ber ‘If I Know Me’ chu No.159 a ni bawk.
Top Billboard 200 Albums of the 21st Century:
1- Morgan Wallen, Dangerous: The Double Album
2- Adele, 21
3- Taylor Swift, Fearless
4- Taylor Swift, 1989
5- Original Broadway Cast Recording, Hamilton: An American Musical
Hamilton
6- Morgan Wallen, One Thing at a Time
7- Post Malone, Hollywood’s Bleeding
8- Lil Baby, My Turn
9- Nickelback, All the Right Reasons
10- Lady Gaga, The Fame
Kum zabi 21-naa album ropui berah Morgan Wallen ‘Dangerous’ an thlang
Get real time updates directly on you device, subscribe now.