Kuminah thla hnih leh a chanve emaw chauhah ruihhlovin nunna a la hnem hman tawh hle; nikum kum tluana ruihhlo vanga boral zat chanve aia tam kuminah an boral tawh.
Mizoram Excise & Narcotics department-in an chhinchhiah danin, kuminah March ni 15 thleng khan Mizoramah ruihhlo vangin mi 23 an boral tawh a, nikum khan kum tluana boral zat chu 43 a ni.
Kumina boralte hi mipa 19 leh hmeichhia pali an ni a, an vanduainaah hian heroin a tel vek.
Mizoram Excise & Narcotics department-in an chhinchhiah danin, kumina ruihhlo vanga boral mi 22 chu heroin leh damdawi ruihhlo dang vanga vanduai an ni a, mi dang pakhat chu heroin leh alprazolam vanga boral a ni.
Nikum khan ruihhlo vangin mi 43, mipa 39 leh hmeichhia pali an boral a, nikumah pawh an vanduainaah heroin a tel vek; mi 19 chu heroin vanga boral an ni a, mi dang 24 chu heroin leh damdawi ruihhlo dang vanga boral an ni.
Mizoram Excise & Narcotics department hian 1984 atangin ruihhlo vanga boral zat hi an chhinchhiah a, 1984-ah hian mipa khat a boral.
1984 atanga kumin March ni 15 thlengin Mizoramah ruihhlo vangin mipa 1531 leh hmeichhia 205, an vaiin mi 1736 an boral tawh a, an zinga mi 1161 chu proxyvon/parvon spas vang, mi 233 chu heroin vanga boral an ni. Mi dang 342 chu damdawi ruihhlo chi hrang hrang vanga boral an ni.
Kuminah ruihhlovin nunna la hnem tawh
Get real time updates directly on you device, subscribe now.
Prev Post