Kumtling lo pawngsualtu Jail-ah kum 7 tang dawn

Kumtling lo pawngsualtu
Jail-ah kum 7 tang dawn
Kumtling lo hmeichhia pawngsualtua court-in thiam loh a chantir chu kum 7 chhung jail-a tang tur leh Rs. 5000 chawi turin a hrem.
Mamit district Rulpuihlim khua Vanlalzahawma chu kum 2016 July khan hmeichhia kum 15 mi pawngsuala puh a ni a, vanduaina tawk hmeichhe chhungte hian police station-ah FIR thehlutin pawikhawihtua puh hi man a ni a, POCSO dan hmangin thubuai siamsak a ni.
POCSO Act Court chuan he thubuai hi ngaihtuah zuiin, special judge Vanlalenmawia chuan pawikhawihtu Vanlalzahawma hi thiam loh a chantir a, April 13 khan a hremna tur hi tichhuak lehin, kum 7 chhung lung in tang tur leh Rs. 5000 chawi turin a ti a. Sumfai chawi tur hi a nei lo a nih chuan ni 20 chhung lung in tan belh turin a ti a ni.