Hmeichhe kumtling lo pawngsualnaa thiam loh chantir chu kum 10 chhung jail tang tur leh sum chawi tura tih a ni.
Special judge (POCSO Act) Aizawl District Court Vanlalenmawia chuan hmeichhe kum tling lo pawngsual vanga thiam loh a chantir tawh Lalhriatpuia, Darlawn chu Zirtawpni khan a hremna tichhuakin, kum 10 chhung jail tang tur leh Rs. 3000 chawi turin a ti. A sum chawi tur hi a pe thei lo a nih chuan ni 10 dang jail tan belh turin a ti bawk.
Hrem tak Lalhriatpuia hian hmeichhe naupang pakhat chu kum 11 mi a nih atangin vawi engemawzat a pawngsual tiin, 2018 November khan hmeichhe chhungte hian police station-ah FIR an thehlut a, hemi chungchang police-in an chhui hnu ah court hian a chungthu ngaihtuah zuiin, thiam loh a chantir a ni.
Hetihlai hian Aizawl SP chuan Aizawl Judicial District Fast Track Special Court (Rape and POCSO Act) presiding officer-in nikum lama a rorelna pahnih – hmeichhe kum tling lo pawngsual avanga thiam loh a chantir, Lalkamlova, Tlangnuam Vengthar Aizawl, kum 20 jail tang tur leh Rs. 10000 chawi tur, sum chawi tur a pek theih loh chuan thla thum dang tang tura a tih leh; hmeichhe kumtling lo pawngsual vanga thiam loh chantir tho Lalremmawia, Thingsulthliah Hospital Veng, kum 5 chhung jail tang tur leh Rs. 5000 chawi tura tih, sum pawisa chawi tur hi a pe theilo a nih chuan thla hnih tan belh tura a tih chungchangah pawikhawihtute hrem an nih theihna tura thubuai chhuitu leh roreltu chungah lawmthu a sawi a ni.
Kumtling lo pawngsualtu kum 10 tang turin hrem
Get real time updates directly on you device, subscribe now.
Next Post