Kumtling lo pawngsualtu kum 20 tang turin hrem

Kumtling lo pawngsualtu
kum 20 tang turin hrem
Champhai District Special Court (POCSO Act) chuan hmeichhe naupang kumtling lo pawngsualtu Lalroenga chu kum 20 jail-a tang tur leh sumfai Rs. 20000 chawi turin a hrem.
Special Court judge Sylvie Zomuanpuii Ralte chuan he thubuai hi a ngaihtuah a. Lalroenga hi Protection of Children from Sexual Offences 2012 tlawhchhanin thiam loh a chang a, a hrem tih a sawi. A sum chawi tur hi a pek loh chuan thla hnih dang jail-ah a tan belh dawn a ni.
Thudawn danin, Lalroenga hian kum 2020 August khan hmeichhe naupang kum 11 mi chu a pawngsual a. Sawichhuak lo tura vaubet zuiin, hemi hnu hian vawi engemawzat a pawngsual nawn niin police-te chuan court hi an hrilh. Naupang chhungten an hriatchhuah hnu-ah, kum 2022 khan Champhai Police Station-ah FIR an thehlut a, man nghal a ni.