Kut hmanga step-a chhuk zawnga kal chak ber
Ban tha chak leh balance thiam a ngai khawp mai, Nepalese Army sports centre a thawk Hari Chandra, kum 29, chuan chhuk zawnga kut chauh hmanga step 75 kal chhuak rang thei ber record a siam. Hari hian step 75 hi second 25.03 chhungin a zawh chhuak hman a, second khatah step pathum vel zel kal hman ang a ni.
A hmaa hetiang record chu 2014-a US-a Mark Kenny siam niin, ani hian second 30.8 chhungin step 75 hi a kutin a zawh chhuak hman a, he record hi kum 10 dawn a din hnuah Hari Chandra hian a rawn khum ta a ni.
Hari hian Katmandu Valley bula Buddhist temple, Jamchen Vijaya Stupa-ah record hi a siam a ni. Record siam tur chuan step-ah chhuk zawngin, kut chauh ringin an zawh tur a ni a, an taksa dang engmahin step chu a tawk tur a ni lo.
Kut pahnih chauh hmanga din leh kal te hi a tithei chu an awm nual ang, mahse, chhuk zawnga chak taka kal erawh a harsa hle a, ban tha chak mai bakah balance thiam a ngai hle a ni.
Hari hian naupang kum riat mi vel a nih lai atangin hand-walking hi a titan tawh niin a sawi a, miin record an siam lai video a en thin te chuan Guinness World Record siam ve chakna a neih tir a, a tih theih ve ngei inrinna a neih tir ta a ni. A record hmasa ber chu 2021 khan a siam a, chu chu step 50 chhuk zawnga kut hmanga kal chhuak rang thei ber niin, second 12.65 chhungin a zawh chhuak hman a, a hmaa he record siamtu hi chu Switzerland a cheng Kevin Delco siam a ni a, ani hian step 50 hi chhuk zawngin second 14.58 chhungin a kal chhuak ve thung.
2022 khan Hari hian a ke pahniha football chep bet chungin a kut hmangin meter 50 chu second 25.58 chhungin a kal thleng hman a, hei pawh hi Guinness World Record a ni a, he record a siam pah hian record dang, ke pahniha football chep bet chunga kut hmanga metre 10 kal rang thei ber record siamin, second 4.49 chhungin a thleng hman a ni.
Kut hmanga step-a chhuk zawnga kal chak ber
Get real time updates directly on you device, subscribe now.
Next Post