Kut phuar chunga mel 7 a thui tui hleuhin record siam

Kut hmang lova tui hleuh chu thil harsa ve tak a ni ang, chu chu swimmer tam zawk pawhin an huphurh ber zinga mi a ni. Mahse, Egyptian swimmer pakhat chu a kut handcuff a phuar chungin km 11 zet tui a hleuh thei a, record a siam.
A hming chu Shehab Allam a ni a, a kut handcuff a phuar chungin meter 7,238 (km 11.649) a thui tui a hleuh a, chu pawh darkar ruk chhung lekin a hleuh hman a, record a siam.
Shehab hian Arabian Gulf-ah record hi siamin, a kut pahnih chu handcuff a phuar chungin tui hi a hleuh a, a tui hleuh chhung zawng hian a kut phuar hi phelh a ni lo, “Ka inbuatsaih laiin, chutia handcuff nena tui kan cheng vel chu miin min hmu duh thei khawp mai. Hetianga miin min thlir thup thin loh nan hmun fiianrial deuh zawkte ka pan thin,” a ti.