Hyundai India chuan micro-SUV model thar, Indian market-a Tata Punch leh Citroen C3 te elpui tur an tlangzarh dawn niin report a awm a, tunah chuan Hyundai hian international market-ah Casper micro-SUV an hralh chhuak der tawh a, he micro-SUV hi India-ah an tlangzarh dawn lo niin report awm mah se India-ah hian micro-SUV dang an tlangzarh dawn niin report a awm a, Hyundai Grand i10 Nios platform a din tur niin an sawi bawk.
Hyundai hian an SUV thar hian technology changkang tak a neih bakah safety feature-ah pawh an thuam tha dawn hle niin an tarlang a, a performance a a tha dawn niin an sawi bawk. Hyundai chuan an SUV thar hian kum lama naupang zawkte a hip dawn niin an sawi a, tun Deiwali chhunga tlangzarh hman an tum.
He SUV hian a engine-ah Hyundai Grand i10 Nios a tawm dawn niin an sawi a, 1.2-litre naturally aspirated petrol engine niin, 82bhp leh 113.8 Nm torque pechhuak thei a ni a, 5-speed manual gearbox a nei bawk. A engine hiE20 mil niin, 20% ethanol-petrol chawlhpawlh a hmang thei dawn a ni.
Hyundai Motor India Ltd. COO, Tarun Gard chuan, “Vawinah chuan zau taka ngaihtuahin, hun thar dai darh leh zin veivah nen te hian SUV kan rilruah a lang tawh. Hyundai hi hetiang kawngah a hma hruaitu kan nih ang ngeiin kan custoner-te tan SUV thar kan tlangzarh thuai dawn a ni. India-a smart mobility-a hmahruaitu kan nih angin customer te ngainat rawn SUV kan tlangzarh dawn a ni,” a ti.
Hyundai India-ah SUV thar tlangzarh dawn
Get real time updates directly on you device, subscribe now.