Lady Gaga leh Bruno Mars ‘Die With a Smile’ a lar ber

Lady Gaga leh Bruno Mars ‘Die With a Smile’ a lar ber
Lady Gaga leh Bruno Mars hla hit ‘Die With a Smile’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-ah hian a zawn lovin kar 15 a No.1 tling ta. Hetihrual hian Ariana Grande ‘Twilight Zone’ chu top 10-ah a debut bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Lady Gaga leh Bruno Mars ‘Die With a Smile’ hian kar khat chhungin stream maktaduai 95.1 leh sales 6,000 a nei thei a, hei hi a kar 15 nan chart-ah a No.1 pui leh ta a ni. Tihian Harry Styles hla hit ‘As It Was’ nih rualin he chart-a No.1 nih rei theiha pahnihna a ni ve ta a, kar 19 No.1 thei Mariah Carey ‘All I Want for Christmas Is You’ chiah a pha lo.
Chart No.1 hlui, kar 12 No.1 ni thei, he chart-a No.1 nih rei theiha pangana ni mek ROSE leh Bruno Mars ‘APT.’ chu No.2-ah bawk a awm leh a, Alex Warren ‘Ordinary’ chu No.5 atangin No.3-ah insawnin, Doechii ‘Anxiety’ chu No.3 atangin No.4-ah a tawlh a, chart No.1 hlui Billie Eilish ‘Birds of a Feather’ chu No.6 atangin No.5 a kai thar ve leh thung.
Ariana Grande ‘Twilight Zone’-in stream maktaduai 43.2 leh sales 6,000 neiin, No.7-ah a debut a, he chart top 10-a lang thei hla 10 a neih tlinna a ni. He hla hi 2024-a a album ‘Eternal Sunshine’ reissue ‘Brighter Days Ahead’ atanga a single a ni.
Billboard Global 200 Top 10:
1 Die With A Smile – Lady Gaga & Bruno Mars
2 APT. – ROSE & Bruno Mars
3 Ordinary – Alex Warren
4 Anxiety – Doechii
5 Birds Of A Feather – Billie Eilish
6 Luther – Kendrick Lamar & SZA
7 Twilight Zone – Ariana Grande
8 Beautiful Things – Benson Boone
9 like JENNIE – JENNIE
10 Not Like Us – Kendrick Lamar