The Kid LAROI & Justin Bieber ‘Stay’ 1B YouTube views

The Kid LAROI & Justin Bieber ‘Stay’ 1B YouTube views
The Kid LAROI leh Justin Bieber te hla hit ‘Stay’ music video chuan YouTube-ah vawi tluklehdingawn en a hlawh ta a, Australian singer-rapper The Kid LAROI tan YouTube-a tluklehdingawn en hlawh thei music video a neih vawi khatna niin, Justin Bieber tan a vawi 12-na a ni ve thung.
He music video hi July 2021-a an tlangzarh kha niin, a music video-ah hian LAROI leh Bieber an lang dun a, a hla hi Billboard Hot 100 (singles) chart-ah a zawn lovin kar sarih a No.1 a, Recording Industry Association of America (RIAA) diamond-certified niin, US-ah he hla hi maktaduai 10 an hralh tling thei a, 2022 Billboard Music Awards-ah Top Hot 100 Song leh Top Collaboration a dawng nghe nghe a ni.
2024-a Prime Video documentary Kids Are Growing Up: A Story About A Kid Named LAROI tihah Bieber leh LAROI te hian rimawi lama an thawh dun dan te sawiin, Laroi chuan, “Justin hi ka vawi khat hmuhna atangin engkim a dik nghal thlup mai. Inventhawn leh tih pawh awm lovin, mahni nuam tih zawng kan tidun a ni deuh ber,” a ti a, Bieber pawhin, “He hla ‘Stay’ hi min ngaihthlak tir a, ama zai ngei a ni nghe nghe a. ‘Ka album-ah chuan telh lo mai dawn emawni ka ti rilru deuh,’ a ti a, keiin, ‘Chutia i telh dawn loh chuan min lo pe daih rawh. Keiman ka lo hmang ang. Hla tha tak a ni,’ ka lo ti ve thung,” a ti ve bawk.