Lai mipuiin BJP an duh lo – MNF MDC

Lai mipuiin BJP an duh lo a, mipui sawrkar neih an duh avangin MNF leh Congress an thawk ho tih Lai Autonomous District Council member H Lalmuansanga chuan a sawi.
Thawhtannia MNF office Mizo Hnam Runa inkhawmah MDC H Lalmuansanga chuan LADC-ah bung thar kai tumin ke an pen ve dawn emaw an tih laiin, an thian thenkhatten an party atanga an puichhuah ve ZPM nen changdang an kansan a. Party hotuten hma la zelin, an first priority chu MNF party sawrkar din a nih angin, an chairman V Zirsanga pawhin a nihna kianin kumin April 17 khan CEM nihna a bansan a, MNF chu nghet takin an la ding zel tih a sawi.
MNF Gen. Hqrs. a an president kaihhruaina in lamkal inruatin, MLA Robert Romawia Royte leh MLA hlui H Biakzuava ten theihtawp chhuahin an buaipui tih sawiin, “BJP duh loin LADC-ah mipuiin sawrkar neih an duh vangin Congress nen kan thawkho a, kohhran leh khawtlangin Lai ram sawrkar siam an duh angin, a tawpah Congress MDC neihchhun Pu C Lalmuanthanga hruaina hnuaiah kan ram leh hnam tan, tiin, thawhhona thuthlung kan siam thei ta a ni,” a ti.
State sawrkar pawhin tha taka an thlawp avangin lawmthu an sawi tih a sawi bawk.
LADC-a zirtirtu 28 ban takte chu 18th Provincialise chhung ami, kum 2018 a lakte niin, court-in thiam loh a chantir a. Court-in a hremna an pawm a, an khinglet lem lo tih H Lalmuansanga hian a sawi a. “Zirtirtu 28-te hi chief minister-in a bantir niloin, court-in thiamloh a chantir avanga bang mai an ni,” a ti.