Lakers an chak leh ta

Pathianni zing khan NBA Conference play-off semi-final khelh chhun-zawm a ni a. Los Angeles Lakers chuan Golden State Warrirors an hneh a, series-ah 2-1 in hma an hruai. Inkhel dangah Miami Heat chuan 2-1 a hmahruai turin New York Nicks an hneh ve bawk.
Semi-final game khatnaah hnehna chang a, champion lai laka tha taka bul tan LA Lakers hi game hnihnaah chiang takin an tlawm a. Chiang taka an tlawm hnu lawkah tha takin an thochhuak a, agme thumnaah point 30 zetin hnehna an chang ve leh ta thung.
Game thumnaah hian LA Lakers in bul an tan tha lova, quarter khatnaah point 7 zetin hnufual zawkah an tang nghal. Bul tan tha lo mahse an insiamtha thuai a, quarter dang pathumah chungnung zawkah an tang ta vek thung a, chiang zetin an khingpuite an lehthal.
Lakers hi quarter hnihnaah point 18 zetin an chungnung a, point 11 a hmahruai chungin chawlhlawk an hmang. Quarter hnihnaah point sarihin an chungnung zui leh a. Point 18 zeta hmahruai chunga quarter hnuhnung ber an hmachhawn dawn vangin chak tur zawk a chiang thawkhat viau tawh. Quarter hnuhnung berah inlehthalna thlentir tumin Warriors in tan khawh bawk mah se champion lai hi point 12 zetin hnu fual zawkah an tang zui leh a. LeBron James lansarhna inkhelah hian point 30 zetin tlawm zawkah an tang zui ta a ni.
Golden State Warriors an hneh nawn leh tum hian LA Lakers tan LeBron James chuan quarter khatnaah shot nei miah lo mah se, inkhel a zawh chuan point 21 lai a thawkchhuak hman tho thung. Lakers tan hian Anthony Davis chuan point 25 a thawk chhuak a. Ball sawhlet vawi 13 zet a dawng tling bawk a, a chetha hle.
Pathianni zinga inkhel dangah Miami Heat chuan point 105-86 in New York Knicks an hneh a, Eastern Conference semi-final-ah 2-1 in hma an hruai a, final lut thei turin hma lam an pan belh hret.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More