Laldenga fanu in party danga peng tawhte MNF-a kir leh turin a sawm

Laldenga fanu in
party danga peng tawhte MNF-a kir leh turin a sawm
MNF founder president Laldenga (L) fanu, Mizo National Women Front hruaitu Dr Renee Lalrinzuali chuan MNF-a awm thin, tuna party danga peng tawhte chu MNF-a kir leh turin a sawm.
Zirtawpnia Mizo Hnam Run inkhawmah MNWF treausrer Dr Renee Lalrinzuali chuan, MNF-in Mizoram leh Zofate tan a tha ber a duh thin a, tih an intiam ang chu an ti ngei thin tih a sawi.
“Inremna kan ziak a, tun thlengin kan la bawhchhe lo. Engemaw avanga party danga lo peng tawh pawh MNF-ah lo kir leh vek turin ka sawm a. Ex-MNA tan phei chuan Zoram tana an lo beih tawhna avangin party danga awm an inhmeh lo,” a ti.
Mizo nih leh Mizoram mi nih leh MNF nih chu thil inhmeh tak a ni tih MNF general secretary ni bawk hian a sawi a. “Kan hnam thuthlung duang chhuaktute kha mi te ber ber ni mah se, an hlu a, hrereng ang u. Hnam thuthlung kan theihnghilh thin a, Mizo kan nihna kan theihnghilh fo thin. Tuna kan sawrkar hi nuhrawn/ pahrawn hrawn ang mai a ni a, siamthat ngai a tam hle. MNF hnuaiah ramin hma a sawn thin a, hnamah kan chiang bawk thin,” a ti.