Lawngtlai district-ah foreign atanga dan loa sumdawngte tihtawp tum

Lawngtlai district-a dan dik taka sumdawnna kalpui a nih theihna tur leh chhiah lak dan chungchangah Thawhlehni khan Lai Autonomous District Council executive member i/c Taxation HC Lalthawmliana leh Lawngtlai District Merchants Association hruaitute an inkawm.
State chhung, state pawn leh foreign atanga sumdawng thinten mumal taka tax an pek dan tur, GST register mumal tak neih a tul thu, document lem hmanga sumdawng an awm thin nia hriat thu, sawrkar leh sumdawngten harsatna an tawh an sawi a. He harsatna tawh mek tihreh theihnana hmalak dan sawifiah a ni bawk.
Dan loa sumdawnna kalpui chungchangah LADC sawrkarin hma a la meka, tuna harsatna an tawh sutkian a nih theihnan leh ram leilungfaten dan ang tak leh hlawk zawka sumdawnna an kalpui theihnan District Merchants Association hruaitute chu theihtawp chhuahpui turin EM hian a sawm a ni.
Foreign atanga dan loa sumdawnna tihtawp thuai a nih theihnan LADC Taxation department-in theihtawp a chhuah mek a, kawtchhuah hrang hrangah Taxation check gate siam belh a nih bakah Police Beat Post thlenga ruahman a ni tih sawi a ni.