Lawngtlai leh Lungleia infiamna hmunhma siam minister-in tlawh

Sports & Youth Services minister Robert Romawia Royte chuan Lawngtlai leh Lungleia infiamna ruhrel din mekte a hmunah a enfiah.
Nilaini khan Lawngtlai daifem, Mampuia Lawngtlai District Sport Complex sak a tlawh a. Athletic tract, football ground, basketball court, volley ball court, indoor futsal ground, pavillion leh gallery a awm a. Multipurpose hall, hostel leh quaters a awm dawn a. PMJVK scheme atanga cheng nuai 5019.43 senga sak a ni.
Lawngtlai Chawnhu hmuna Multipurpose Community Centre, cheng nuai 236 senga sak bakah basketball court & volleyball court, complex khata awmkhawm chu a tlawh bawk. Lawngtlai College Venga nuai 3461.7 senga Residential Sport School sak a tlawh a; he project hi zaa 85 vel zawh tawh a ni.
Ningani khan minister hian Lungleia infiamna hmunhma siam mekte a tlawh leh a. Zobawka Sport School sak lai National Green Tribunal-in a chawlh lailawk tirna hmun tlawhin, hna hi zaa 80 vel zawh tawh a ni. He project hi nuai 3430.98 a zawh theih tura ruahman a ni. Lunglawna Community Service Centre sak mek tlawhin, zaa 60 vel zawh tawh a ni a. Ramthar Venga Semi Indoor Futsal Court pawh tlawhin, zaa 80 vel zawh tawh a ni a, nuai 319.78 senga zawh tur a ni.
Rahsi Venga Lungeia nuai 4919.31 senga sak mek, Leitlangpui Hockey Ground nuai 1108.7 senna tur, Lunglei Electric Venga Football Ground siam mek bakah Zotlanga Integrated Sport Centre sak mek pawh a hmunah a en bawk.
Sports minister chuan C. Thuamluaia Mualah zana inkhelh theihna turin cheng nuai 700 sengin floodlight dah a nih dawn bakah Moto Sports Racing Tract pawh nuai 1800 sengin siam tum a ni tih a sawi.