February 8, Nilaini zing khan NBA regular season khelh chhunzawm a ni a. Los Angeles Lakers player pawimawh LeBron James chuan Oklahoma City Thunder laka an tlawm tumin point 38 a thawkchhuak a. LeBron James hian Kareem Abdul-Jabbar record khumin, NBA chanchina point thawkchhuak tam ber record thar a siam.
-- Advertisement --
Season kal meka beisei phak lo LA Lakers in Oklahoma City Thunder an hmachhawn tum hian record thar siam turin LeBron James hian point 36 thawhchhuah a ngai. Hun rei tak chhung NBA point thawkchhuak hnem ber record lo awm tawh khum a, record thar piang thei a nih vangin LA Lakers leh Thunder te inkhel hian ngaihven a hlawh hle. A bikin NBA record thar siam thei dinhmuna ding LeBron James-a’n ngaihven a hlawh leh zual viau a, Basketball ngainatute mit chu kum 38 mi James lakah hian a fu rual thup. NBA chanchina point thawkchhuak hnem ber ni mek Kareem Abdul-Jabbar ngei pawhin Lakers leh Thunder te inkhel hi a hmunah ngei a en ve nghe nghe.
Basketball ngainatute mit a chunga fu rual thupin, pressure sang tak hnuaia inkhel hmachhawn ni mahse LeBron James hi fim leh inringtawk takin a inlan a, a talbuai eih lo. Record thar siam tura point 36 a mamawh laiin point 38 a thawkchhuak ta hial a. Kareem Abdul-Jabbar point thawhchhuah zat 38,387 zet chu point thum laiin a khum a, NBA point thawkchhuak hnem ber record thar a siam ta nge nge.
NBA a point thawkchhuak hnem ber record thar siam turin LeBron James hian game 1410 a mamawh a, point 38,390 khawl tling turin minute 53,741 hun a hmang. James-a khum tak Abdul-Jabbar khan point 38,387 khawl tling turin game 1,560 zet a mamawh a, record siam turin court chhungah minute 57,446 zet hun a hmang bawk. James hian a pian hma thla riata Abdul-Jabbar-a’n NBA record a siam chu a khum ta hial a, record khum har zawk hnutchhiah turin point tam zawk thawkchhuak zel thei tura ngaih a ni.
Basketballer ropui LeBron James hian kum 2002 atanga 2010 chhung khan Cleveland Cavaliers tan a khel a. Kum 2010 khan NBA team lian Miami Heat a zawm a. Heat hi NBA a vawihnih a champion pui. Hemi hnu hian Cleveland Cavaliers-ah a kir leh a, kum 2016 khan Cavaliers hi NBA-ah a champion pui leh bawk. Kum 2018 khan tuna a khelh mekna Los Angeles Lakers hi a zawm a, Lakers hi 2020 khan NBA-ah a champion pui leh bawk.
NBA-ah season 20 chhung hun a hman chhungin James hi NBA-ah vawili a champion tawh a, NBA Finals MVP-ah vawi li thlan ni tawhin, regular season MVP vawi li bawk a nih tawh bakah Olympic Gold Medal vawihnih a la tawh bawk a. NBA All Star ah vawi 20 zet thlan a ni tawh bawk. Baketball player zingah James aia ropui an awm tawh kher lo mai thei a ni.
He has been with the Lakers since 2018 and helped them win the 2020 title, which was also the fourth time he has been named NBA finals MVP.
Two-time Olympic champion James has won four regular season MVP titles and appeared in the NBA Finals 10 times.
An puhna atanga an insawi fihlim zo lova, thiam loh an chang a nih chuan City hian hremna na tak an tuar thei dawn a. EPL champion an lo nih tawhna hlihsak in hrem theih an ni a. Season kal meka an point hmuh paihsak emaw, Championship lama tlakhniam tir thlengin hrem theih an ni tih tarlan a ni.
Hremna na tak tuar thei dinhmuna ding mek City hi kum 2020 khan Europe a football thuneitu sang ber UEFA pawhin an lo ringhlel tawh a. UEFA hian City hi kum hnih chhung European competition hmachhawn thei lo turin an lo hrem hial tawh. UEFA hremna hi infiamna lama Court sang Arbitration for Sport (CAS) ah an khing let a, thiam an chan hlauh vangin hream an tuar zui lova, European competion an hmachhawn zui thei. Premier League puhna ata an fihlim zui leh thei ang em tih zawhna lian tak a awm mek a. An fihlim thei lo a nih chuan manager Pep Guardiola leh player hrawl tak ch^n puk thei dinhmun derthawngah an ding mek.
EPL club vantlang tak ni thin Manchester City hi kum 2008 khan sumdawng hausa Abhudabi Group in an lei a, an hausa thar thut. Neitu thar hnuaiah player tha tak tak an la lut a, inelna hrang hrangah an hlawhtling zui ta viau nghe nghe. 2008 hnu lamah hian Premier League-ah vawi ruk zet an champion tawh a, champion lai an ni mekin, season kal mekah pahnihna an ni mek bawk. EPL ah vawi ruk an champion tawh bakah hian League Cup-ah vawi thum an champion a, FA Cup-ah vawikhat an champion tawh bawk.
Puh hmingchhiata awm mek Manchester City hian Premier League puhna chhangletin thuchhuah an siam a. An mahni chhuitute tha taka an thawhpui chung leh felfai taka thil an kalpui chunga puhchhiat leh rinhlelh an la ni cheu chu an hriat thiam loh thu an tarlang.
City hian an thuchhuah ah, “Premier League dan bawhchhiaa buh kan ni ta mai hian min thawng hle a. Independent commission lamin buaina inmung mek belchiang a, an thlithlai tha leh tur hi lawmawm kan ti a. Hleih nei lova rorel a, chik taka finfiahna zawng zawng zirchiang a, thutlukna dik tak siam ngei turin kan duh a. Buaina min thawng harh leh thintu hi a tawp fel hlen kan beisei tak zet a ni:, an ti.