Premier League-a team tal buai, 19-naa awm mek Leeds United chuan manager thar an nei fel thei ta a. Watford manager hlui Javi Gracia chu an manager thar atan an ruat.
Leeds United hian February 6 khan an manager Jesse Marsch an ban a, beisei angin Marech hmunruak luahtu tur an hmu mai thei lo. An manager thar ni tura an duh Rayo Vallecano manager Andoni Iraola, Feyenoord manager Arne Slot leh Ajax manager hlui Alfred Schreuder te an dawr hlawhchham hnuin Watford manager hlui Javi Gracia lam an hawi a, an indawr fel thei ta a ni.
Leeds manager thar Javi Gracia hian manager puitling niin club 12 zet a enkawl tawh a, Leeds hi club 13 a enkawlna tur chiah a ni. Kum 2018 khan Premier League club Watford a enkawl tan a, hemi kum hian EPL-ah 11 hial an ni. Kum 2019 khan FA Cup final a hruai thleng bawk. EPl-ah bul an tan chhiat em vangin september 2019 khan Watford in an ban a, hemi hnu hian Valencia leh Qatari club Al Sadd te a enkawl zui leh. EPL-ah vawi 56 zet team lo kaihruai tawh Gracia hian table hnuai ber dawttu-a awm mek Leeds chhan him a tum dawn a, a club tharah chona hautak zet mai a hmachhawn a ngai dawn.
Gracia club thar Leeds hi season kal mekah a khel chhe tluang viau a, EPL season kal mekah vawi 23 khel tawhin vawihnih chiah an chak. Manager thar Gracia hnuaiah chona thar an hmachhawn dawn a, an tum lian ber chu championship lamah tlahniam lo va, EPL ah inham tan hram hram a ni ang.
Leeds manager thar Graci
Get real time updates directly on you device, subscribe now.
Prev Post
Next Post