No. 1 thar James Anderson

On Feb 23, 2023 15 0

International Cricket Council (ICC) chuan Test bowling ranking thar an tichhuak a. England player pawimawh James Anderson chu Test ranking No. 1 a ni.
Kum 40 leh ni 207 a upa James Anderson hi Kum 1936 hnu lamah Bowler zinga Test ranking-a N0. 1 ni thei upa ber a ni. Kum 1936 khan Australian Clarrie Grimmett chu Test Ranking no 1 a ni a. Ani hi bowler zingah Test ranking-a no 1 ni thei upa ber a ni. No 1 thar ni leh Anderson hi kum No. 1 vawi ruk a nihna a ni a. Kum li chhung zet No. 1 lo ni zawn tawh Pat Cummins chu Anderson hian a lehpel.
ICC test ranking tihchhuah tharah hian India spinner Ravichandran Ashwin chu pahnihnaah a inhlangkai ve bawk. Ashwin hian test ah tum hnih Australia an hmachhawn tumin wicket 14 ngawt a la.
ICC test ranking-a No. 1 thar ni leh Anderson hi test aah wicket la hnem pathumna a ni a, test-ah wicket 682 a la tling tawh. Anderson chungah hian Sri Lanka spinner Muttiah Muralitharan (800) leh Australia great Shane Warne (708) te an awm