Tripura Chief Minister hlui leh CPI(M) leader Manik Sarkar chuan Tripura inthlanna turah ‘Left-Congress thawhhona’ chuan Prime Minister Modi a ‘awm hle hle’ tir thei lo tiin a sawi.
BJP sorkar mek chuan ‘Constitution an zawm lo’ tia sawiin Tripura ah ‘democracy an tihlum’ tiin a sawi bawk a. Tun hma atanga inhmelma thin Left leh Congress te chuan State a ‘facist’ rorel titawp turin tanho an remti tiin a sawi.
Hei hi PM Modi-an February 11 a Tripura-a Congress-CPI(M) thawh dunna chungchang a sawiah party pahnih te chuan an zia lo ang takin northeastern State-ah chuan thian nih an thlang a, Kerala-ah erawh an inchai char char tia a sawi chhanna anga ngaih a ni.
“Party pahnihte Kerala state-a inbei te leh Tripura-a inthian si te i sawi lang a. Kerala-ah CPI(M) sorkar a ding mek a, opposition chu Congress an ni thung a. Mahse, democracy chu nung tak a ni a, chu tak chu Tripura-ah hmuh tur a awm ve lo thung. BJP te hian Constitution hetah hian an zawm ve lo va, fascist rorelna a thleng mek a ni” tiin Sakrar chuan South Tripura a Santirbazar a election rally a neihnaah a sawi.
“PM Modi hi Left-Congress alliance avangin a awm hle hle thei lo va. Northeastern state-ah democracy tihhlumin a awm a, BJP te hian kum nga ro an rel chhungin constitution zawm pawh an nei lo,” tiin a sawi bawk.
BJP te tunhmaa tribal leh non-tribal vote bank te chuan an rauhsan tawh tia sawi bawkin Sarkar chuan Left leh Congress tangdun chuan anti-BJP vote darh tur a dal dawn tia sawiin chutak chu saffron camp lam hlauhthawn ber chu a ni, a ti bawk.
“PM Modi hian inthlan campaign tum hnih a ei tawh a, chungah te chuan 2018 assembly election vision document a sawi lang ngam miah lo. Modi hian a thutiam chungchang a ngawihpui daih,” tiin a sawi bawk.
Sarkar chuan inthlan hnuhnng berah vote thlak thei lo an awm nual tia sawiin chung mite chu kumin 16 February-a vote thlak ngei turin a sawm bawk.
Left-Congress thawhhonain PM Modi awm tinuam lo ti
Get real time updates directly on you device, subscribe now.