Income Tax Department te chuan British Boradcasting Corporation (BBC) office hmun hrang hranga mite chu an dap thut a. Eng vanga dap thut nge an nih hriat theih a ni rih lo.
“Income tax ten office min luhchilh thut a, phone zawng zawng min chhuhsak vek,” tiin BBC journalist chuan a sawi a.
BBC tena kum 2022 Gujarat riot leh India tih documentary part hnih an tihchhuah hnuah an office te hi dap a ni zui ta a ni ber a. January 2023 khan British broadcaster te chuan Prime Minister Narendra Modi pocu-series part hnih, “India: The Modi Question” tih chu an tichhuak a. Mahse, India ramah erawh tihchhuah khap a ni thung.
Income Tax department te chuan company business operation hrang hrang document te a bik takin Indian arm kaihhnawih an enfiah tiin official te chuan an sawi a. He survey neihah hian Income Tax Department chuan company business premises te chauh dapin mimal chenna leh promoter emaw director te chenna an khawih ngai lo a ti bawk.
Congress leader Jairam Ramesh chuan sorkar chuan Adani-Hindenburg chhuina neiha Joint Parliamentary Committee din aiah BBC te zawk chu an um a ni, a ti bawk a.
“Joint Parliamentary Committee Adani chungchang chhui tur din kan rawt a, sorkar hian BBC te a um mek a ni,” tiin Ramesh chuan a sawi.
Income Tax Department ten BBC office luhchhuah thut
Get real time updates directly on you device, subscribe now.
Next Post