Leiminin KMMTTP kawng a hnawh

Ruahsur nasa avanga Kaladan Multi- Modal Transit Transport Project (KMMTTP) kawngpuia leimin leh Lawngtlai Superintendent of Police office bula leminin in pakhat a hnawl chu nimin khan Lawngtlai bawrhsap Cheemala Siva Gopal Reddy chuan a hmunah a enfiah.
KMMTTP kawnga leimin nasat zualna hmun, 11-Km thlen hma hian leimin vanga kawngpui kaltlang harsa tak tak hmun 5 vel a awm a, bawrhsap hian a hmun a thleng thei lo. Hun remchang hmasa berah 11-Km hi a tlawh dawn a ni. 11-Km thlen hmaa leimin awm ho thianfai tura hma lak a nih tur thu sawiin, KMMTTP kawng enkawl mektu state PWD chu a rang lama thianfai turin a chah.
SP office bula leminna hmun pawh tlawhin, SP R Lokeshwaran chuan a lo dawngsawng. Leiminin in a hnawl chimah nunna chan an awm lo chu vanneihthlak a tih thu a sawi a ni.