Bawngkawn atanga Leitan inkara lirthei leh kea kalna tibuai thei zawnga chetnaah he kawng hmangtu veng hnai YMA chuan hma lak ho an tum.
YMA Joint Action Committee Durtlang chuan Durtlang Leitan leh Bawngkawn inkar kawng dinhmun en ho tura ruahmanna an lo siam tawh angin Nilaini zing khan a hmunah an en ho a. Tunhnaia kawng ko laih leh kut thlak mek avanga leimin hlauhthawn awmna hmun, kum kaltaa Leitan khur bula lei tla tun thlenga la paih loh, tuiluankawr leh kawngsir hnim lutuka hma lak dan tur an sawi.
Sawrkar hotu lianah leh BRTF hotute hnenah a rang lama hma la tura ngen nise, a tul anga RTI hmanga zawhna zawtin, chhanna an dawn dan azira chak taka hma lak zui nise an ti.
Kea kalna tur kawng sira footpath, hmun thenkhat sumdawnna hmuna hman mekte kea kalte tan harsatna a awm theih avangin footpath sumdawnnaa hmang tel lo tur leh an in sak danah pawh kea kalna hmun khuh zawnga sa lo tura ngen an nih bakah vantlang kawnga bungrua an chhawp thinte sengfel ngei turin an ngen tih a sawi a ni.
Hmalak zel dan tur ngaihtuaha thutkhawm nghal niin, Durtlang JAC an din a. Hruaitu an inruat a ni.
Leitan kawng hmangtu veng hoin hma lak tum
Get real time updates directly on you device, subscribe now.
Prev Post
Next Post