Lena Plastic House-ah Somany Exclusive store hawng

India rama chhuat leh banga phah chi leh tui dehna hmanrua chi hrang hrang siamtu hriat hlawh zing ami Somany chuan Mizoram-ah a tum khat nan Thawhtanni khan Somany Exclusive Store, Lena Plastic House, Bawngkawn, Sairang Road-ah an hawng thar.
Lena Plastic House-a Somany Exclusive store hi Somany Ceramics Limited senior vice president Sujit Kumar Mohanty chuan a hawng a, hetiang dawr Aizawla hawn a ni ta chuan customer te tan hlawkna tam tak a awm ngei a rin thu a sawi.
Lena Plastic House neitu Baby Lalduhawmi chuan, tunah chuan anmahni dawr thin ten phai pan kher a ngaih tawh loh thu an hrilh thin chu lawmawm a tih thu a sawi a, an customer ten phai nen danglamna a awm lo tih an hre chho zel chu an lawmna tizualtu a nih thu a sawi bawk.
Somany Ceramics Limited hi 1971 a din kha niin tunah hian khawvel ram hrang 55-ah an bungrua siam te hi an thawn chhuak a, khawmualpui paruk an dap a, kum tina an sum chevel hi vaibelchhe 2500 a chuang a, an tiles siam hi Rs 55 man atanga intan a ni.