Lengpui Airport inrelbawlna leh venhimna chungchanga thu pawimawh ngaihtuahin chief minister Zoramthanga hoin a kaihhnawih sawrkar hotute an thukhawm.
Kumin February 11-a chief minister kaihhruainaa thutkhawm leh April 14-a Ministry of Civil Aviation secretary hoa thutkhawma thurel bawhzui leh hmabak la awmte sawi ho a ni a. Chu’ng zingah chuan Lengpui Airport hungna siam tur leh survey neih chungchanga hmalakna, security bungrua thuamthat, CCTV system tihchangtlun, post thenkhata thawktu indaihlohnaa hmalak dan tur leh training pek dan tur te sawi a ni.
Heng bakah hian Mizoram chhimlama greenfield airport siam tumnaa hmalakna, Tuirial Airfield siamthat leh hmun hrang hranga helipad tihchangtlun chungchang sawi ho a ni bawk.
Thutkhawmah hian chief secretary Dr Renu Sharma, Finance, GAD, Home, DP&AR, Revenue, Civil Aviation leh department dang atangte in hotute an tel a ni.
Lengpui Airport venhimna sawi
Get real time updates directly on you device, subscribe now.