LESDE building thar hawng
MINECO-a LESDE Directorate building sak thar leh he building-a awm Mizoram Building & Other Construction Workers’ Welfare Board (MBOCWWB) hnuaia Multipurpose Centre chu Zirtawpni khan Labour, Employment, Skill Development & Entrepreneurship (LESDE) minister Lalchhandama Ralte chuan a hawng.
Building hi cheng vaibelchhe 15 senga sak niin a sak nan Mizoram sawrkar sum hman a ni lo. Director general (Labour Welfare) Ministry of Labour & Employment-in “Model Welfare Scheme for Building & other Construction Workers” siamin he scheme hnuaia hian infrastructure siam phalna an dah a. MBOCWWB chuan he scheme hnuaiah hian Multipurpose Centre atan cheng vaibelchhe 15 senna tur project siamin, kum thum chhunga sak rel a ni.
Minister hian LESDE department-in thalai hna zawngte tana mobile application a siam – Employment Exchange (EMPEX) app a tlangzarh nghal a ni.
LESDE building thar hawng
Get real time updates directly on you device, subscribe now.
Prev Post
Next Post