TES-49 ah Mizo tling
Indian army commission-a luh theihna, Technical Entry Scheme (TES)-49 ah Mizo tlangval a tling.
Thudawn danin, Laldinpuia s/o Ngurthantluanga ITI Veng Aizawl hi TES-49 atang a thlan a ni a, kumin Joint Entrance Examination (JEE) ah 80.032552 percentile hmu in, India ramah 228630 rank a ni a, tribal zingah 3468 a ni phak.
TES hi JEE atanga India Army commission-a luh theihna niin, kum bithliah chu 16½ aia naupang lo 19½ aia upa lo tih a ni a. Pawl 12 (Science) ah 60% tal hmuh a ngai a; physics, chemistry leh mathematics lak a ngai. A tlangpuiin kum khatah seat hi 90 a awm thin a, kum 4 an zir hnuah sipai puitling, lieutenant rank pek an ni.
Tun tuma Mizo tling Laldinpuia hian class 12 (Science) hi Sainik School Imphal atangin a pass a, kum 2022 khan National Defense Academy written-ah a lo inziaktling tawh a, interview a paltlang lo hlauh a ni. TES 48 (2022) ah khan koh zingah telin, conference-ah thlan a ni loa, kuminah nasa zawka inbuatsaihin a tinawn a, a tling ta a ni.
TES-49 ah Mizo tling
Get real time updates directly on you device, subscribe now.
Next Post