LESDE MBBA Inter Veng 2005Veng tangrual leh hruaitu tha nei a lang!
LESDE MBBA Inter Veng 2005
Veng tangrual leh hruaitu tha nei a lang!
Inter Veng basketball inelna kal mekah zanin atang hian pre quarter finals khelh a ni tan dawn a, he intihsiakna kal mek hian a tawp lam a hnaih tial tial a, inkhel boruak a tang tawlh tawlh.
Nimin lama inkhel hmasa berah Nursery LC team tan an player chhuanvawr Emmanuel-a a rawn let a, champion beisei ngam khawpin Mission veng lakah an khel tha. Nursery hi an veng pa Albert-a enkawlna hnuaiah an player tha rualten MBBA buatsaih hmasak ber Inter Veng champion lawmna ruai an hnaih ta sawt e.
Veteran player tha pahnih Mafaka leh Mafela ten an veng Leitan tan theihtawp chhuah mah se, Kanan venga Nuna te ho insawhnghet tawh lutuk hneh tur erawh chuan an la pan hret; chutih rualin, Leitanah hian player tha naupang rual seng sawng an awm a, an khawtlang hruaitu lamin infiamna hmanga veng nuam leh ruihhlo bawhbuai loh veng nih an tumna kawngah hmalakna tur kawng sial a nuam dawn tih a hriat!
Nuna kaihhruai Dawrpui Vengthar LC team an tlo hle, rawlthar rual chunga rinna nghat ngam he coach hian palian player tawnhriat ngah Dennis-a leh mi dang a neih te a hmang thi am a, Lsa te veng Tuikhuahtlang tan an khirh hret!
MSL club nei veng, Chhinga Vengin a player-te hrechiangtu coach Mapuia nei mah se, team tha zawk Khatla South meuh hneh tur chuan an la nem!
Mizoram basketball inlumlet hrechiang bertu leh a chherchhuah players rawn kaihruaitu Dennis-a tan Khatla South hi a champion-pui a rinawm ta hle a, chet sual zeuh nghawng erawh a pawi thui thei tih he team hian Mriv buatsaih U 23 tournament-ah an tem tawh kha an vawn reng a tul ang.
Nilaini zan inkhel result
Hunthar 76 – 69 Champhai Kahrawt
Republic 70 – 75 Tuikual North
Ningani inkhel result
Nursery 73-56 Mission Veng
Kanan 92-78 Leitan
Dawrpui Vengthar 73-57 Tuikhuahtlang
Khatla South 86-52 Chhinga Veng
Armed Veng S Vs Ramthar
(Result hre hman lo)
- Champhai VT Vs Republic VT
(Result hre hman lo)
Vawiin, Zirtawpni inkhel turte:
Zotlang vs Bungkawn – 10am
Ramthar North vs Electric – 11:45am
Bawngkawn vs Durtlang – 2pm
Zarkawt vs Khatla – 3:45pm
Tuikual South vs Khatla East – 6:15pm
Chawnpui vs Ramhlun Venglai – 8pm