Pachhunga University College (PUC) Central Library chuan library-a tunlai thiamna hman tangkai chungchang zirhona ‘Digitizing Library Services Using Modern Technology ‘ an buatsaih a, Thawhlehni khan Mizoram University-a Department of Library and Information Science head Prof Pravakar Rath chuan a hawng.
Library-ah hian lehkhabu leh a kaihhnawih chi hrang hrang dahthatna’n digital technology hman uar a ni chho mek a, hei hian lehkhabu leh a kaihhnawih chu thlak vek loh mah se, tangkaina leh thatna tam tak a nei nia sawi a ni. Hetihlai hian digital technology chu electric power, khawl leh thiamna hrang hrang inkawp a nih avangin hote in a hman theih lohin a chhe palh thei tih pawh sawi a ni.
Seminar hian ni hnih a awh anga, library-a digital technology hman chungchanga mithiamte thuziak an zirho dawn a ni.
Library-a tunlai thiamna hman tangkai dan zirho
Get real time updates directly on you device, subscribe now.
Prev Post
Next Post