Lawngtlai district Sangau khuaa Govt. Blue Mountain High School atanga headmaster sawnchhuah tak dah let phutna leh he school-a post ruakte hnawhkhah phutin a ni hnihna atan Thawhlehni khan sit in demonstration neih chhunzawm a ni.
Govt. Blue Mountain High School zirlaite lungawilohna lantir hi Lai Students’ Association Sub Hqrs Sangau chuan thlawpin Sangau khawchhunga LSA Branch dang awm pahnih, Blue Mountain Higher Secondary School leh Sangau HSS (RMSA) LSA Branch ten an telpui a. Sangaua HSS pahnih leh Govt Blue Mountain HS-a zirlai 200 chuang an ni.
Tarlan tawh angin, Govt Blue Mountain HS-ah hian Mizo zirtirtu post pakhat bakah non teaching staff LDC leh 4th Grade post te ruakin, tunah an zirtirtute atangin headmaster-a kaisang mi pahnih an awm a, zirtirtu pahnihin he school hi an chhuahsan dawn bawk a, hetiang a nih avang hian an headmaster thla thum chauh Sangaua la awm chu awm tir phutin leh zirtirtu post ruakte chu tun thla chhung ngeia hnawhkhah phutin Sit in Demonstration hi an kalpui chhunzawm zel a ni.
LSA Sub Hqrs Sangau hruaitute sawi danin, zirlaite lungawilohna hi an beisei tihhlawhtlin a nih loh chuan school kai loa sit in demonstration neih chhunzawm zel an tum niin a sawi.
Zirtirtute an la dang zel
Get real time updates directly on you device, subscribe now.