Lil Wayne-a’n rapper tha berah a inngai

Lil Wayne-a’n rapper tha berah a inngai
Lil Wayne chuan Billboard Greatest Rappers List-ah No.1 ni ngei tura a inngaih thu a sawi a, “Midang hming i telh zawng zawng pawh hian ka tha ber tih chu an hre vek,” a ti.
Billboard / VIBE ten 50 Greatest Rappers of All-Time list an tihchhuah chuan thawm a neih belh zel a, social media lamah pawh fan-ten inhnial nan an hmang a, tunah cuan Lil Wayne ngei a rawn tawng ve ta a ni.
He 50 Greatest Rappers of All-Time list-ah ian Lil Wayne hi No.7 a ni a, hei hi a lungawi thei thlawt lo a ni ngei ang, Apple Music 1 tana Zane Lowe nena an inkawmnaah Lil Wayne chuan, “Khai a, a tu phiangsen chu nge ka hmaa awm bik tur? He list-ah hian hip-hop zawng zawng a hma ang khan an telh ang chu maw?” a ti a, “Hei hi ka hrilh ang che, kei hi a tha ber chu ka ni phiangsen e. Hming i lam chhuah tawh zawng zawng te pawh khan ka tha ber tih hi an hre vek. Va zawt mah teh. An hria alawm,” a ti.
Lil Wayne chuan hip-hop tana a thawhhlawk dan te sawiin, “Dik tak chuan, han hawi vel ila, he kawng min zawhpuitu hi an awm meuh emawni le. Ka hawi lam apiangah ka hmin dual dual zel a. Chuvangin mal anga inngaihna chu ka nei chuang lo, midang tiphurtu ka ni tlat a. In chawhphurna hian mi a ti thang a, an thanglai hmuh ka chakte chu ka thawhpui thin. Heng mi hrang hrang ka bula awm tura ka nei hi vannei ka inti. Ka tour hnuhnung ber chu Blink-182 nen a ni a. Tichuan, country music award-ah te ka lo tel leh daih a, Blink 182 nena tour piahlamah. Rapper zingah hetiang dinhmuna ding thei hi an tam lo asin. Hetiang tlang chhipah hian keimahin ka ding a ni,” a ti bawk.