Linkin Park-in an hla hit ‘Numb’ hmanga khawvel an rawn tuam kha kum 20 a lo tling ve leh reng tawh mai, he hla music video 2003-a an tihchhuah chuan YouTube-ah vawi tluklehdingawn hnih en a hlawh ta a, an band music video hetiang zat en hlawh thei hmasa ber a ni.
‘Numb’ music video hian 2018 khan vawi tluklehdingawn en a hlawh chuah a, July ni 20, 2017-a an frontman Chester Bennington a thih boruakin an music video a tilar thar leh a, chu chuan vawi tluklehdingawn a kai theih phah ta ti te pawhin a sawi theih ang. Tichuan kum nga a liam leh meuh chuan vawi tluklehdingawn hnih a en hlawh pha der tawh a ni.
‘Numb’ hi Linkin Park album pahnihna, 2003-a an tlangzarh ‘Meteora’ album atanga an single pathumna a ni a, a hla lar vanglaiin Billboard Alternative Songs chart-ah No.1 a kai a, he album-a hla dang ‘Breaking the Habit’, ‘Faint’, ‘Somewhere I Belong’ leh ‘Lying From You’ te pawh he chart-ah hian No.1 an kai vek bawk.
He album hi a kum 20 tlin champha pualin April thla khan a 20th Anniversary Edition an tlangzarh leh a, an hla la tlangzarh loh bakah demos, live shows, B-sides leh an band footage la tihchhuah loh te an dah tel a
Linkin Park ‘Numb’-in 2B view a kai
Get real time updates directly on you device, subscribe now.
Prev Post
Next Post