Rimawi khawvelin Gwen Stefani a hmelhriat tan tak takna chu kum 30 dawn kaltaa No Doubt hla hit ‘Don’t Speak’ kha a ni a, he hla music video 1995-a an tihchhuah chuan YouTube-ah vawi tluklehdingawn en a hlawh ve ta.
‘Don’t Speak’ hi No Doubt music video hmasa ber a ni a, a vanglaiin khawvel a deng chhuak a, an group mai bakah an vocalist Gwen Stefani pawhin hming an chher tanna a ni ta nghal a ni. 1990s music video te hi an lar vanglaia YouTube te la awm ve lo a nih avangin tun hnua an upload chawp te a ni leh chauh a, hei vang hian an tan YouTube-a vawi tluklehdingawn en hlawh hi a harsa bik tawh riau a, 90s music video zingah hetiang zat en hlawh thei hi 20 pawh a la awm lo.
‘Don’t Speak’ hi 1995-a No Doubt studio album pathumna ‘Tragic Kingdom’ atanga an single pathumna a ni a, an band tan Billboard Pop Song airplay chart-ah No.1 an kai vawi khatna niin, he hla hi 40th Grammy Awards-ah song of the year category-ah nominate a ni zui ta bawk a ni.
No Doubt ‘Don’t Speak’-in 1B view kai
Get real time updates directly on you device, subscribe now.
Prev Post