Mizoram hmun hniha lirthei chetsualnaah a chuang awmchhun nia hriat a khalhtu ve ve an thi.
Thudawn danin, Lamherh RMSA High School principal RC Lalruatzela (42) s/o RC Lalthanga, Suangpuilawn chu December 6 khan an khuaa haw turin a chhuak a. An khua leh Lamherh inkar hi km.8 chauh a nih avangin langin a kal mai thin nia sawi a ni.
In a thlen mai loh avang leh amah an biakpawh theih loh avangin chhungkhat laina in an zawng a, Suangpuilawn leh Lamherh inkar kawng-thlangah a car hi hmuh a ni. Feet 100 vel lumin amah hi a vawrhchhuak nia ngaih a ni a, a car thlen hma deuhin a ruang hi hmuh a ni.
Nunna chan ta RC Lalruatzela hi YMA Suangpuilawn Branch-a finance secretary leh Suangpuilawn Joint YMA secretary nilai, Tuivai Group YMA secretary hlui a ni
Tuichawng bulah Hyva truck MZ 01 K 4345 a chesual bawk a, a khalhtu Ramdinthara (20), Serchhip a thi. Thudawn danin chetsual hun hi Nilaini zan nge Ningani zing lam tih hriat a ni lo. Truck hi kawng siamtu company ta niin, a chin an hriat mai loh avangin an ngaihven a, Ningani chawhnu lam khan kawngthlang metre 20 velah truck chesual hi hmuh niin, a khalhtu hi a lo thi tawh a ni.
Lirthei chesualah 2 thi
Get real time updates directly on you device, subscribe now.
Prev Post