Aizawl district-ah kuminah November thleng khan hursualna lama naupang khuaikhemna, POCSO case 35 a awm tawh a, heng zinga 27 hi police-in an chhui tur ang chhui zo tawhin court-a thubuai ngaihtuah zui turin an tifel.Kumin chhunga Aizawl district-a pawikhawihna thleng leh chumi an bawhzui dan thlirletin Ningani khan IGP (Law & Order) Neihchungnunga hoin Aizawl SP Rex Zarzoliana Vanchhawng bakah Aizawl district-a sub-divisional police officer-te, officers -in- charge leh investigating officer chin an thukhawm.
Kumina special report case (sensational case) leh district chhunga case ziahluh chungchanga hmalakna leh bawhzui dan tur sawiho a ni a. Aizawl district-ah kumin November 30 thleng khan case 2238 ziahluh niin, heng atang hian case 920 charge sheet tawh a ni.
Thutkhawmah hian Krismas leh kumthar hlim leh ralmuang taka hman a nih theih nan sawrkarin khapna thupek a chhuahte tha taka zawm a nih theih nan police officer zawng zawngte a tul anga inbuatsaiha hma la theuh tura chah an ni.
-- Advertisement --
4Kumin chhungin Indian Penal Code hnuaia Aizawl district police station hrang hranga case ziahluh zingah rukruk/ in rawk a hluar ber a, case 1556 ziahluh tawh niin, case 519 charge sheet tawh, case 293-ah conviction hmuh tawh a ni.
4Murder (tualthah) case 10 ziahluh a ni a, case 7 charge sheet tawh a ni.
4Nunna chan awmna lirthei chesual case 26 ziahluh niin, 19 charge sheet tawh a ni.
4Kut inthlak /insual buai case 40 ziahluh tawh niin, case 29 charge sheet tawh a ni.
4Local and special law hnuaia case ziahluh zingah POCSO case 35 ziahluh a ni a, case 27 charge sheet tawh a ni.
4Arms Act (dan loa silai kawl leh hman) case 11 awmin, case 6 charge sheet tawh a ni.
4ND&PS Act (ruihhlo kaihhnawih) case 21 ziahluh tawh niin, 18 charge sheet tawh a ni.
4MLP Act (zu kaihhnawih) ah case 117 ziahluh niin, 81 charge sheet tawh a ni.