Lirthei tam zual laiin bungraw dah phal lo

Aizawlah lirthei a tlan tam zual lai, zirlaite school kal lai leh pisa kaite kal hun leh haw lai – peak hours ah khawpui dungah pik up leh lirthei danga bungrua hlan thlak leh hlan chhoh khap a ni.
Senior SP Traffic Aizawl-in dan tlawhchhan leh sawrkar hriattirna awmsa hmanga thupek a tihchhuahah, kea kal mipui, lirthei hmangtute him zawk nan leh lirthei tawt lutuk tih ziaawmna atan Aizawl khawpui chhunga lirthei tam zual lai hun (peak hours) ah LMV leh a aia lian lirthei hmanga dawr/bazar bungrua bakah bungraw dang reng reng, kawngpui dungah load leh unload phal a ni lo tih a sawi.
Load leh unload phal loh hun hi Thawhtanni atanga Inrinni inkarah zing dar 8.30 atanga chawhma dar 11.00 thleng leh, chawhnu dar 3.00 atanga tlai dar 6.00 thleng a ni.
He thupek hian 2016 October 12-a thuchhuah tawh chu a luahlan a; 2024 July 22 atanga hman tan a ni. He thupek zawmlo te chu Section 179 MV (Amendment) Act 2019 hmanga hrem theih an ni tih a sawi.