Lithium-ion battery sulsutu scientist thi

John Goodenough khawvela Nobel Prize dawngtu zinga upa ber leh lithium-ion battery siam chhuahna lama sulsutu chu kum 100 mi niin a thi.
Engineering professor a nihna University of Texas, Austin te chuan a thih thu hi puangin, “Scientists turu leh ropui a nihna chu teh theih a ni lo,” tiin University of Austin President Jay Hartzell chuan a sawi.
Lithium-ion battery hi khawvel hmun tina electric vehicles te tikaltu ber a ni a. University of Texas te chuan ‘mipui tana thawktu, mentor duhawm leh pa ropui mahse inventor inngaitlawm ni si’ tiin an sawi.
Dr Goodenough hi kum 2019 khan kum 97 mi niin Chemistry-ah Nobel prize hlan a ni a, battery lama sulsutu niin lithium-ion battery bikah phei chuan sulsutu bera ngaih a ni a.
|angkhai bawk si lithium-ion te chu technology revolution siamtu tia ngaih niin tunlaia laptop leh mobile phone te awm theih chhan bera ngaih a ni a. Heng mai bakah hian battery te chu modern device heng solar panel te thlenga tihmakmawh a ni bawk.
Kum 1922 khan American nupa karah Germany-ah a piang a, US hmar chhak lamah seilianin Indopui II lai khan meteorologist niin US army a zawm a. Yale University atagin mathematics-ah bachelor degree a nei a, University of Chicago atangin physics-ah PhD a nei thung.
Massachusetts Institute of technology-ah thawkin kum 24 lai a thawh chhungin computer random-access memory siamtu ber a ni bawk a. Chumi hnuah modern theory of magnetism hmuchhuaktu zingah a tel zui a ni.