Liverpool chak laiin Chelsea an tlawm
Nilai zana English Premier League khelhah Liverpool in West Ham hnehin point thum an hmu. Reds an chak laiin team lian Chelsea chu Brentford hneh lovin an tlawm ve thung.
Champions League khelh phak beiseina nei thar leh Liverpool hi table-ah 13-naa awm mek West Ham United hmachhawn turin London stadium-a an leng lut a. Si an phurh hmasak zet hnuin mualneitu Hammers an lehthal a, hnehna pawimawh tak an chang.
Him chiang tura chak mamawh West Ham hian team lian Liverpool lakah bul an tan tha viau a, inkhel tan atanga minute 12-na lekah Lucas Paquetá chuan box pawn atangin tawih zetin a pet goal a, hma-hruaina goal a thun.
Hma takah goal an thun vangin Hammers phur viau mah se an phur rei lova, Liverpool in goal an thun ve thuai. Minute 18-naah Cody Gakpo chuan box pawn atang vekin lei hrulah a pet goal a, an si phurh a sut. Chawlhlawk hmain goal dang a luh belh thei lova, 1-1 a inhnehtawk chungin chawlhlawk an hmang phawt.
Chawlhlawk hnu lamah West Ham in goal an thun hmasa leh a. Bowen pet goal chu offside vangin hnawl a ni ta thung. Hammers goal pawm a nih loh hnu lawk hian minute 67-naah Joël Matip chuan corner atanga ball kal chu fuh zetin a tauh goal a, hma an hruai letna goal a thun. Matip goal thun hi hun tawp thlengin an venghim a, Liverpool hi an chak zui ta a ni.
Nilai zana inkhel dangah team lian Chelsea an tlawm leh ringawt a. 11-naa awm mek Chel-sea hian Stamford Bri-dge-a an mikhual Brent-ford chu si hnih faiin an hneh lo. Team hausa Blues an tlawm zawn tlut tlut a ni ber mai.
Liverpool chak laiin Chelsea an tlawm
Get real time updates directly on you device, subscribe now.
Prev Post