Lunglei Municipal Council inthlan atana candidate-te chu an chhinchhiahna - symbol pek fel an ni. Nilaini khan LMC inthlan atana municipal returning officer chuan candidate leh agent-te hnenah symbol a pe. BJP candidate-te symbol chu an party symbol pangngai - Lotus pek an ni. INC candidate-te pawh symbol pangngai - Kutphah (Hand) pek an ni a. MNF candidate-te chu Arsi niin, ZPM candidate-te chu Ni chhuak (Sun with Rise) a ni. Nilaini vek khan LMC inthlana candidate leh election agent-te pualin inthlan kaihhnawiha hriat tur leh zawm tur hrang hrang inhrilhhriat a ni a. District municipal election officer, bawrhsap Ramdinliani chuan Lunglei Municipal Council inthlan chu a vawikhatna a nih avangin a kaihhnawih official, candidate leh election agent-te tan thil thar a ni a. State Election Commission-in inkaihhruaina fel tak a siam hmangin inthlan felfai leh muanawm neih theih nan zawm theuh turin a chah tih a sawi. Expenditure chungchangah, candidate tin ten cheng nuaikhat aia tam hman loh tura tih a nih avangin, penalty pek ngai loa zawm hram hram turin a chah a. Model code of coduct-in tih loh tur a tih te pawh zawm a, mimal insawichhiat leh candidate-te timualpho zawnga che lo turin election agent-te a ngen a ni.
LMC candidate-te symbol pe
Get real time updates directly on you device, subscribe now.
Next Post