Lok Sa bha MP leh Air Chief Marshal inkawm

Lok Sa bha MP leh Air Chief Marshal inkawm
March ni 26, 2025 tlai khan Lok Sabha MP Richard Vanlalhmangaiha chuan Chief of Air staff, Air Chief Marshal AP Singh chu Air Headquarters Office-h kawmin Mizo thalaite tana hamthatna awm thei te a sawipui.
Richard Vanlalhmangaiha chuan Air Force-a Mizo thalaite tan hna awlsam zawka an dil ve theihna turin Mizoramah recruitment nei ve turin Air Chief Marshal hi a sawipui a. Air Chief Marshal hian Air Force Recruitment hi India ram hmun hrang hrangah an nei thin a, Mizoram ah pawh neih ve ngei a nih theihna turin hma a lak tur thu alo hrilh a ni.
Lok Sabha MP chuan Indian Air Force in Mizoram hmun hrang hranga an hmunhma neih te civil mi in tangkai taka an hman ve theihna turin changtlung taka siam turin a ngen a. Chhingchhip Sainik School a Jet Fighter Display dah ve turin Air Chief Marshal hi a sawipui bawk a ni.