Loneituten Delhi kal thlen ngei la tum

Loneituten Delhi kal thlen ngei la tum
Loneitu lungawi lote chuan pathianni khan ‘Delhi Chalo’ tiin Delhi thlenga kawngzawh tan leh ngei an tum thu an puang.
Hetih lai hian Delhi police te chuan Shambhu ramriah kawng dalin kaltlang a nih lohna turin beihpui an lo thlak ve thung a, buaina a chhuah palh pawha engkim inpeih sain an lo inring ve bawk.
Loneitute aiawh Sarwan Sing Pandher chuan Shambhu ramria lo dan an ni ngawt mai chu na taka sawiselin, dan bawhchhiatna an neih loh thu leh muanawm tak hnuaia kawngzawh chu nei thin leh neih tum zel an nih thu a sawi.
Pandher chuan, ‘Engvangin nge loneitute hi tihduhdah kan nih? Thil awm dan zawng zawng hre vek kan ni a, pawl 101 velin Delhi lam kan pan dawn a ni mai a, kan chaw ngheina pawh ni 12 a ni ta,’ a ti a. Eng danmah an bawhchhiat loh thu a sawi nasa hle.
Kisan Mazdoor leh Samyukta Kisan Morcha te nawrh huaihawtna hian ni 300 awh tawhin, sorkar laipui lam atangin an duhna tihhlawhtlinpui kawngah engmah inbiakna leh thu lawmawm an la dawng lo thung a ni.