Narendra Modi-an coalition sorkara kaihruai thiam ang em?

India ramah coalition sorkar thil thar a ni lo. Democracy ram mipui tamna berah hian party paruk aia tam intelkhawma sorkar pawh siam a ni fo tawh.
Kum 1989 atanga 2004 inkar chhung khan Lok Sabha inthlan tum ruk lawih awmin single-party majority a awm lo vek. Chunga coalition sorkar te chu tluang lo fe fe te pawh awmin kum 1989 atanga 1999 inkar chhung khan coalition sorkar pariat ding hmanin a tluchhe rang hle bawk.
India-in economic reforms turu ber ber a kalpui leh growth rate sang ber ber a neih te chu Congress leh Bharatiya Janata Party (BJP) te kaihhruaia coalition sorkar-ah a ni hlawm bawk.
Kum 2014 hnuah a tum khat nan India chuan coalition sorkar a nei leh dawn ta a, kumin Lok Sabha inthlanah single-party majority a awm thei tlat lo a ni.
BJP leader Narendra Modi chuan a tum thum nan prime minister nihna a chelh leh ta a, mahse, opposition chetha tak karah majority nei zo lovin National Democratic Alliance (NDA) a a thawhpui te pahnihah a innghat ta a ni.
Modi hian Gujarat chief minister a nih lai leh India prime minister term hnih lo chelh tawhah majority a la nei ziah a, kum sawm tam politics-ah thu takin a awm a, coalition sorkar tha takin a kalpui thei ang em tih chu zawhna a ni.
Thunei tak nia a lal hrawtna te tiziaawmin a thawhpui regional party hotu fing tak tak nei te a thawhpui tak tak thei ang em? A party leh a thian media tena amah atchilh burna an kalpui chu siamremin inngaitlawm zawkin a insiam thei ang em?
Mi tam tak chuan Modi tan coalition sorkar tha taka kalpui chu a awlsam dawn lo an ti thung. A thawhpui tur pahnih te Janata Dal United leh Telegu Desam Party te hian seat 38 an nei a. An pahnih hian hruaitu fing tak Nitish Kumar leh N Chandrababu Naidu te kaihhruai an ni. An pahnih hian a hma pawhin BJP kaihhruai federal coalition sorkar ah an tel ve ve tawh a, mahse, BJP invaivung a bik takin Modi invaivung vang tiin an lo chhuahsan ve ve tawh bawk.
Kum 2019 khan Andra Pradesh chief minister a nih laiin Naidu chuan Modi chu ‘terrorist’ a lo thial tawh bawk. Coalition sorkae party pahnih thum an thawhpuia innghat te chu a bik takin a tluchhe hma zual bik bawk.
Mi thenkhat chuan Modi kaihhruaina hnuaia coalition sorkar chuan democracy hrisel zawk a thlen ang an ti thung. Prime Minister thu lutukna nihniamin decentralise governance a kalpui lo thei dawn lo va, checks and balances a sang ang a, opposition te an huangtau lo thei lo bawk a, chumai bakah bureaucracy institution, judiciary leh media te an in independent zual ang an ti.
BJP hotu ngaihsan em em Atal Behari Vajpayee khan kum 1998 atanga 2004 inkar chung khan multi-party coalition hlawhtling takin a kalpui bawk. Khatih hunlai khan state-owned firms te privatise a ni a, foreign investment tih nasat niin, expressway siam a ni a, trade barriers tihawlsam niin IT revolution bultan a ni bawk. Nuclear test neih a ni a, Pakistan nen inlaichinna a tha a, US nen India a inzawm tha bawk. Khang thil kha Vajpayee an mi dang te rawn chunga thutlukna a siam thinin a hrin tia sawi a ni.
Modi coalition erawh Vajpayee hunlai nen a inang lo hle thung. BJP ten seat 240 lai la mahse majority nei thei tura mamawh seat 272 chu hlat tak an ni tlat a ni.
Tun hma khan minority sorkar chu seat tlem zawk neiin hlawhtling taka kalpui tho a ni tawh. Kum 1991 khan Congress te chuan seat 232 chauh neiin leh kum 2004 ah seat 145 leh kum 2009 ah seat 206 chauh neiin sorkar hlawhtling tak an kalpui thei tho.
Modi erawhin BJP te chu a invaivungpui a ni ber a, amah thlawp burtu leh a confidant ni bawk chu Amit Shah niin BJP kalphung tam tak chu an thlak a ni. Modi-Shah thutlukna siam angin engkim a kal vek tia sawi a ni bawk.
Tun hmaa BJP kaihhruai coalition sorkar a din khan an ideoloigical leh polarising issue pawimawh ber ber te chu an thawhpui te ngenna avangin an dahtha ngam thin a.
Mahse an party agenda pui ber ber Kashmir autonomy thiah te, Ram temple sak te chu Modi hovin tihhlawhtlin a ni tawh a. Kumin hian a thawhpui party te hian Modi an inthlan dawna huangtau taka Muslim te a beih vakna kha chhunzawm lo turin an ti thei ang em?
Tuna pawimawh ber chu BJP leh an thawhpui ten major issue ah eng nge thukhat vuak theihna an neih tih chu a ni. BJP te chuan kum 1967 a India in a hnawl tawh a ruala parliament leh state assembly te pawh inthlanna neih chu kalpui an duh a. Chumai bakah khua leh tui tin te sakhua, sex, gender leh sexual orientation thliar lova Uniform Civil Code kalpui an tum bawk a. UCC hi tun hma pawhin ma Hindu leh minority Muslim te pawhin an lo hnawl tawh a ni.
Chumai bakah parliamentart boundary kum 2026 hnuah siamthat a ni dawn bawk a. Mihring tlem zawkna leh hausak zawkna India chhim lam state te chuan Modi chuan parliament tilianin rethei leh mihring tama Hini heartlanf, BJP te chaknaah seat a pekbelh teuh an hlau a ni.
Modi chuan a thawhpui tur party pahnih te leh an leader tena an thil ngiat a ngaihthlak a ngai dawn bawk. TDP leh JDU te hian an state chu special status pek an ngiat ve ve a ni.
Government spending nasat avanga economy a tha chungin Modi chaun hna tam zawk a siam a ngai dawn a, mirethei leh middle class te income a tihpun a ngai dawn bawk. Chumi tur chuan India economy chuan structural reform agriculture, land leh labour lamah pawh a kalpui ngei a ngai dawn a, chumi tur chuan lohtheihlohin a thawhpui te a rawn a ngai dawn bawk.
A politics hun tam ber a duhdana kala majority nei ziah Modi tan chuan thawhhopui neih chu thil awlsam a ni lo mai thei. “A nuna a la tawn ngai reng reng loh hna a thawh thut a ngai dawn” tiin Modi biographer Nilanjan Mukhoadhyay chuan a sawi.
Mahse poliician hlawhtling ber ber te chu an insiam rem thei thin. Chuvangin India chuan Modi inngai tlawm zawk, midang rawn leh tam ber ngaihdana kal a hmu mahna.
“Chu chu hunin a hril tur a ni” tiin Sandeep Shahstri, political analyst chuan a sawi a. “Tun hma coalition sorkar thlirna tarmit ang ni lovin tun huna coalition sorkar hi kan thlir dawn a ni” tiin a sawi.