LPG hman dan endik dawn

LPG hman dan endik dawn
Mizorama bur hmanga eirawngbawlna gas thawnluttu Indian Oil Corporation Ltd chuan LPG hmangtuten dan dik takin an hmang vek em tih an endik dawn.
Aizawl district bawrhsap Er Lalhriatpuia chuan Food, Civil Supplies & Consumer Affairs department atanga an thu hmuh bawhzuiin hriattirna a tichhuak a. February 2026 atang hian IOCL company-a hnathawkten LPG connection nei zawng zawngin dan ang takin gas an hman leh hman loh, a him tawk leh tawk loh an in theuhah kalchilhin an enfiah dawn.
Hemi atan hian a thlawna gas connection hmang (PMUY customer) hnen atangin service charge GST telin Rs.59 leh connection pangngai hmang (non-PMUY customer) hnen atangin service charge GST telin Rs. 236 an la dawn tih a sawi a. Inspection titute hian uniform ha in, ID an awrh bawk dawn tih sawi a ni.