Ludhiana, Punjab-a gas putru avangin mi 11 in nunna chanin mi pali nikhaw hre lovin an awm bawk a. Gas te hi local factory unit atanga putru anga ngaih a ni.
Gas puhrukna hmun hi tlawhpawh theih loha siam nghal niin fire brigade leh ambulance te inralrin tir nghal a ni a. National Disaster Response Force (NDRF) member 50 te tirhluh an ni bawk.
Sorkar chuan thuchhuah a siamah mi 11-in nunna an chan phah tawh thu a puang a. Police te chuan nunna chan te hi hmeichhia panga leh mipa paruk an nih thu sawiin an zingah mipa naupang kum 10 leh 13 mi pawh an tel thu an sawi bawk.
Ludhiana Police Commissioner Mandeep Singh Sidhu chaun thil thlenna hmun hi Ludhiana a Giaspura area ah a nih thu sawiin gas leak hi eng ang chi ber nge tih la tihchian theih loh tiin a sawi bawk.
Helai hmun hi mipui chen tamna hmun niin mipuite hmun hima thiarchhuah chu ngaih pawimawh hmasak berah neih a nih thu official te chuan an sawi bawk a.
Punjab Chief Minister Bhagwant Mann chuan police-te bakah National Disaster Response Force (NDRF) team member 50 awmna chu tirh luh nghal niin government officials te chu chhanchhuahna leh thil tul pawimawh ti tura thupek an nih thu a sawi bawk.
Ludhiana gas putru-ah mi 11 in nunna chan
Get real time updates directly on you device, subscribe now.
Next Post