Lui hraitu pathum man

Lui hraitu pathum man
Lunglei khawpui chawmtu, Pialthleng lui chu tunhnai khan hrai a ni a, lui sa engemawzat thi hmuh atanga hriatchhuah a ni.
He thil thlengah hian PHED Lunglei chuan Lunglei Police Station-ah FIR an thehlut a, heta tarlan danin, PHED tui pump-na Pialthleng luiin Tlawng a pawhna hmun, Lunglei khawpui tui lakna ber Pialthleng Pump House duty-te chuan kaikuang leh chakai thi engemawzat an hmu a, hei vang hian Tlawng lui hi tura hrai ni ngeia hriat niin, tui pump lai pawh an titawp nghal tih an sawi a ni.
Lunglei Police chhuizui nghalin, finfiahna tur thil hrang hrang an lakhawm a. He thil thlenna hmuna lirthei – Maruti Suzuki Eeco MZ-02 C 1368 nena kal, thil tisualtu ni ngeia hriat pathum – Lalawmpuia (43) leh Lalfakawma (26) College Veng Lunglei ve ve leh Lalmuankima (32) Rahsi Veng Lunglei te chu man an ni. Thu zawhfiah an nih hnu ah lui hraitu an ni tih an inpuang a. Lui hrai na’na damdawi an hman hi ‘Record’ (Cypermethrin 10%) a ni. An pathum hian District Jail Lungleia dah nghal an ni.