Mahni thawhchhuah ni lo ita paipawn duh hi a Kristian lo – Lalchamliana

Mahni thawhchhuah ni lo ita
paipawn duh hi a Kristian lo
– Lalchamliana
Kristian nia inchhal si, mahni thawhchhuah ni lo ita paipawn duh tlat chu a Kristian lo tih Home minister Lalchamliana chuan a sawi.
Aizawl City Bus Owner Association inkhawmpui a hmanpuinaah Lalchamliana chuan, Mizo zingah Kristian nia inchhal sia mahni thawhchhuah ni lo it tlat zel an awm thin chu ngaihtuahna a tithui thin tih sawiin, “Itawm chang awm thin mah se, mahni thawhchhuah ni lo lo paipawn duhna rilru put hi a Kristian lo a ni,” a ti.
City Bus-a chuang thin mipui atanga complain a awm ta mang lo chu hmasawnna lawmawm a ni tiin, bus khalhtuten an mi phurhte ngaihtuah chang loa chak taka an khal thinte, tunhmaa bus conductor-ten bus chuan man pangngai aia sang lak ching awm thin pawh tun hnuah a reh chho ta chu lawmawm a tih thu a a sawi, chhunzawm zel nise a duh tih a sawi.
Public transport-te chu ram hmel lanna an nih avangin a enkawltute pawhin hawihawm taka an miphurhte himna ngaipawimawha khalh thin a pawimawh tih Home minister hian a sawi a. Lirthei khaltute chu traffic police duty-te thuawih kawngah tan la zel turin a chah bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More