Hmeichhe laka hur-sualna thubuai awrh Brazilian defender hriat hlawh berte zinga pakhat Dani Alves chu court-in a bail dilna an hnawl avangin Bar-celona khaw daifema a tanna Brians 2 lung inah khung chhun-zawm a ni.
Barca player hlui hi hmeichhe pakhatin Barcelona khawpui laili taka Sutton nightclub-ah nikum December thla khan hursualna hawi zawngin a khawih tiin a puh a, amah chuan puh a nihna pha bawk mah se kumin January thla atang khan lung in lamah khung a ni a, a thubuai chhui lai mek a nih avang leh Spain a chhuahsan hlauhthawn-na avangin Spanish court chuan bail dilna a hnawlsak.
Nikum khan Alves hian a tum hnihna atan Barcelona a zawm a, chuta tangin Mexican club Pumas UNAM lamah a kal a, mahse, thubuai lian takin a tlakbuak tak avangin January thla khan a contract pawh club lamin an titawp ta a ni.
Kum 39 mi ukil rawih chuan ram danga a thlawhchhuah theih-lohna’n a passport dahkir bakah a thangna chin hriat zel theihna (electronic tag) a taksaa dah inhuam chungin court hnenah lung in atanga chhuah lailawk dilna a thlen a, a chhungkua pawh Spain nena inkungkaihna thuk tak nei a nih thu a thlen bawk a, mahse, Barce-lona court hian an ram lama a thlawhchhuah ruk palh hlauhthawn thilah bail dilna a hnawl tih a puang.
|um hnih zawma Barcelona a zawmah Alves hian game 408 khel tlingin, kum 2008 atanga 2016 chhung khan La Liga title paruk leh Champions Leagues trophy pa-thum a lakpui tling.
Brazilian defender hian Paris St-Germain leh Juventus tan pawh khel tawhin, Brazil tana match 126 a khelh tlin zingah 2022 World Cup game hnih kha a tel.
Spain ramah hian pawngsual thubuaia thiamloh changte tan kum li atanga kum 15 thleng lung in tan theih a nih bakah taksa, rilru leh lan dan thlenga tawrhna thlentu an nih avangin pawngsual tawk hnenah zangna-dawmna sum court-in a pektir thei bawk.
Lung inah Alves tang chhunzawm
Get real time updates directly on you device, subscribe now.
Prev Post
Next Post