Tun hnaia bial vil tur inruat party ZMP-in lungawi lote thlemtu tur an inruat a, an tih tur te tiin hmun thenkhatah chuan an fehchhuak tawh tih thu dawn a ni.
Kar hmasaah khan ZPM hian inthlanpui lo awm tur atana bial vil turin mi 30 chuang an ruat a, candidate tur tih tawngkam hmang lo mah se candidate turah ngaih a ni.
Thu dawn danin, bial viltu tur an ruat hma hian lungawi lote thlem turin mi engemaw zat an ruat sa a, mi engemaw zat chuan lungawi lote hi biain an thlem tawh.
Lungawi lote thlem tur hian PAC member te, general secretary te, consultant te, adviser te, secretary te an ruat a, team panga an awm. Team I, Team II, Team III leh Team V-ahte mi pali an awm a, Team IV-ah panga an awm.
Hemi atana detailment an siamah chuan “A hnuaia tarlan kan hotute hi an khaw tlawh tur tarlanah hian nomination committee-in a rang thei ang bera kal turin a ruat a. |hahnemngai taka thawk chhuakin kan beisei e,” tiin an ziak a, lehkha hi April ni 19-ah an chhuah a ni.
Thu dawn danin, tun hnaiah mi pali panga vel chu an kawm tawh a, Thawhlehni hian Champhaiah team pakhatin kal an tum. Champhai-a kal tur hi Team I an ni a, consultant pakhat, adviser pakhat, general secretary pakhat leh secretary pakhat an ni.
Lungawi lote thlem tur inruat
Get real time updates directly on you device, subscribe now.
Prev Post
Next Post