Lunglei district tan hriselna lama beihpui thlakna hawng

Lunglei district bawrhsap pisa ruahmanna buatsaih ‘Healthy Lunglei District Campaign’ chu Ningani khan Health & Family Welfare minister Lalrinpuii’n a khuh hawng.
Health minister chuan he programme ngaihtuah chhuaktu Lunglei district bawrhsap leh a thawhpuite ngaihtuahna fakawm a tih thu a sawi a. Campaign tihlawhtling turin mitinin ei leh ina kan inthunun a tul bakah taksa sawizawi ngaipawimawh a ngai, tiin, mipuiin tangkai taka an hmana an hlawkpui ngei a duhsak tih a sawi a ni.
National Health Mission mission director Dr Eric Zomawia’n powerpoint presentation hmangin natna inkaichhawn theih loh – Non Communicable Diseases (NCD) kan neih lohna tura hriat tur leh tih tur tul a sawi a. Khawvela thihna zaa 74 chu NCD vang a ni a, India rama thihna zawng zawng zaa 63 chu NCD vang a ni tih a sawi. Lunglei Ddstrict mipuiin NCD laka nunna an chan tawh loh nan an nun dan phung thlak ngai lai, tih tur leh tih loh tur inhrilh a ni.
Campaign khuhhawnnaah hian Lunglei district huamchhunga MLA pathum – Lunglei South bialtu Lalramliana, Thorang bialtu Er R Rohmingliana leh West Tuipui bialtu Prova Chakma te pawh an tel a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More