Lunglei inthlan turah mi pahnih reh

Lungleiah inthlan a awm a nih chuan, politics ngaihvente chuan Dr R Lalthangliana leh Zodintluanga Ralte te hmu turah an inngai ang a, Lunglei an thutchilh turah an ngai hial ang. Mahse tun tum Lunglei Municipal Council (LMC) inthlan lo awm turah anni pahnih hi an reh hle.
Kar hmasa Ningani khan minister Dr R Lalthangliana hi Lunglei a thleng a, Mizofed dawr kawta street campaign-ah thu a sawi. Deputy minister Tawnluia’n thuthar lakhawmtute a kawm tumin a tawiawm bawk. Chu bak chu thawm a nei zui rih lo tih thu dawn a ni.
Lunglei atanga thu dawn danin, deputy minister-in thuthar lakhawmtute a kawm tum hian Dr Thangtea hian thu kam hnih khat a sawi a, an tin hmain a chhuak.
MPCC treasurer Zodintluanga Ralte pawh a reh vang vang rih a, campaign lai hian mipui hmaah a la inlan miah lo.
Congress party-in candidate an puan laiin a awm lo a, chumi hnu-ah chuan Lunglei hi a awm chilh char char rih tih thu dawn a ni. Mahse campaign-naah thu a la sawi lo a, thuthar lakhawmtute kawmnaah leh TV programme-ah a la inlan miah lo bawk.
Dr Thangtea leh Zodintluanga te hi an reh na a, ngawi rengin an campaign tih thu dawn a ni.
ZPM lamah pawh Lunglei-a an southern headquarters president a reh hmiah a, ani hi chu a nuamsam lo a, mipui hmaah thu a sawi thei lo tih thu dawn a ni.