Lunglei leh Siaha-a duty turte chhuak tan

District dang thenkhat ang bawkin November 7-a MLA inthlan atana polling station pan harsa zual deuha duty tur polling official, Lunglei district-ah polling party 16 leh Siaha district-a polling party 8 chuan November 5 – Pathianni khan Lunglei leh Siaha an chhuahsan.
Pathiannia chhuak Lunglei district-a duty turte hi Thorang biala polling station 9 leh West Tuipui biala polling station 7 a awm turte an ni a. Siaha district Assembly bial pahnih – Siaha leh Palak biala P/S 8-a awm turte an ni.